Enca ka publikuar së fundmi ndryshimin e radhës në ‘look’, duke u kthyer totalisht në bjonde. Me anë të disa fotove të reja që ka publikuar ajo ka arritur të tërheqë sërish vëmendjen e ndjekësve në ‘Instagram’. Siç duket jo të gjitha komentet kanë qenë pozitive për pamjen e saj, kështu që këngëtarja ka vendosur të japë një përgjigje për të gjithë ata që flasin keq.
“Çdo herë që dikush më gjykon ose flet keq për mua duke thënë që nuk jam një ‘vajzë e mirë’ ose jam një model i keq, bazuar në çfarë vesh apo tregoj në videot dhe fotot e mia, kam vetëm një përgjigje. Unë jam një ‘yll pop-i’, ti nuk je. I urrej njerëzit injorantë dhe negativë. Ju lutem mos më ndiqni mua. Ndiqni ata të famshmit hipokritë që kanë nivelin tuaj të injorancës”,-shkruan ajo.
Këtë herë Enca është irrituar shumë nga komentet negative, por pas kësaj përgjigje mbase nuk do të ketë më të tilla./revistawho.com
