Mbrëmja e sotme rezervon shumë surpriza në “Shiko kush luan”. Ajo çka ka tërhequr më shumë vëmendjen gjatë promos ka qenë deklarata e Bes Kallakut. “Ermali bën për biznes, unë bëj komedi. Për ballkon mund të bëjë Enca, për profesionalizëm mund të bëjë Bleona”, u shpreh Besi, edhe pse nuk dihet si ka vazhduar deklarata e tij. Megjithatë Enca nuk ka mundur dot mos reagojë, pasi aiç shprehet ka mbetur mjaft e ofenduar. “Dy gjëra që unë urrej më shumë në botë është padrejtësia dhe hipokrizia. Spuntoja për këtë video, është pikërisht ky lajm që ma dërguan miqtë e mi. Në radhë të parë, ndoshta jam shumë naive që e mendoj këtë gjë, por mua personalisht ashtu siç do shqiptari duhet t’i bëhet qejfi që kinematografia shqiptare po zhvillohet. Detyra jonë si shqiptarë dhe si artistë është të mbështesim punët e njëri tjetrit. Në radhë të dytë, ndoshta Bes Kallaku ka harruar që përpara disa muajsh ishte ai i cili më kërkoi të luaja rolin kryesor në filmin e tij. Megjithatë, mua m’u desh ta refuzoja kërkesën e tij sepse nuk do të bënte sens as për mua as për projektet që të kisha rol protagonist tek të dyja. Dhe pikërisht, pak ditë më vonë, Bes Kallaku shprehet në një emision që Enca ka ballkonin ndërsa X ka profesionalizmin? Pra, i dashur Besi, cila ishte arsyeja që ma ofrove ti këtë rol kryesor për filmin tënd? Sepse isha jo profesioniste? Apo sepse të duhej një ballkon, gjë e cila për mua nuk ka kuptim sepse e ke një ballkon në shtëpi. “Jam shumë e zhgënjyer si kolege, por mërzitja ime tjetër ishte seksualizimi i një femre nga ana e tij, mbi të gjitha për një kolege, e mbi të gjitha kur vjen nga një person që është baba, bashkëshort e bir i një femre. Ne nuk kemi punuar asnjëherë bashkë, ti nuk e njeh profesionalizmin tim. Jam e sigurt që nuk do e kesh më mundësinë të punojmë bashkë”, e mbyll Enca deklaratën e saj. Kujtojmë se këngëtarja është protagoniste në filmin e ri të Ermal Mamaqit “I love Tropoja”, i cili e ka premierën me 27 janar.
https://www.instagram.com/p/B6nunABF7ni/?igshid=5m1ln9v7j388
