Sherri mes Enca Haxhiajt dhe Noizyt është bërë prej muajsh çështje e madhe, por përveç statuseve të dy këngëtarëve në rrjetet e tyre sociale, deri tani askush nuk e kishte sqaruar këtë histori. “Unë e konsideroj si një çështje private mes ne të dyve. Por sigurisht që nuk duhet të kishte ndodhur si nga ana e tij, veçanërisht nga ana e tij, ashtu edhe nga unë”, thotë Enca, ndërsa thekson se konflikti mes tyre nuk duhet të ishte bërë publik.
“E vetmja gjë që doja të sqaroja është që asnjëherë nuk e kam mohuar dhe nuk e kam lënë pa përmendur suportin e tij dhe dashamirësinë që kam pasur ndaj tij jo vetëm si artist, por edhe si mik. Bashkë kemi bërë gjëra të mëdha, kemi ndihmuar njëri-tjetrin dhe ku i dihet, ndoshta shkojmë në Dhërmi për pushime (qesh)”, ka thënë këngëtarja në “Xing me Ermalin”.
Më tej Enca shprehen se të gjitha situatat kalohen lehtë, duke lënë të kuptohet se sherrin me Noizyn mund ta hedhin pas krahëve këtë verë./xing.al
