Sa herë ju ka ndodhur që teksa shfletoni fotografitë e fundit në profilin e Endrit Mërtirit, të thoni ‘këto janë fotot më të mira që ai ka bërë’… Mos u shqetësoni! Edhe ne jemi në të njëjtat kushte me ju. Fotografi i talentuar shqiptar, që ka rënë në sy të stilistëve e editorëve të njohur botërorë, çdo ditë e më shumë na befason. Fotosesioni i fundit i realizuar prej tij me modelet Elena Lika, Oriola Marashi, Ksela Lara, Alesia Noka në Paris sjell luksin e salloneve franceze të çajit të materializuar në foto, plot sharm e elegancë. Edhe këtë herë Endriti u ka qëndruar besnik bashkëpunëtorëve të tij në disa suksese siç janë artistja e make up-it Suela Çangu dhe sipërmarrësja e “Frederika Arti Martesor” me video të realizuar nga Artemis Hajdini. Seti në fakt është realizuar për qëllime komerciale të brand-it të nusërisë, ndërkohë që Endri gjithçka e ka shndërruar në art dhe teksa shfleton fotot të duket sikur po viziton një galeri të vërtetë arti…
