Jeta e saj private është e fshehtë dhe Tayna mundohet gjithmonë ta mbajë larg syrit të mediave apo rrjeteve sociale, megjithatë ndonjëherë ajo ndan disa momente me fansat e saj. Ditën e sotme, reperja ka publikuar një foto në ‘Instastory’, që me siguri ka bërë xheloze të gjitha ndjekëset e saj femra. Në foto ishte emri i saj i shkruar me trëndafila të bardhë dhe të kuq, çdo shkronjë mbi një buqetë të ndryshme në formë zemre. Tayna është shprehur shpeshherë në rrjete sociale se është beqare, por duke qenë se ajo është hermetike përsa i përket kësaj pjese, nuk dihet me siguri nga askush nëse është një person që i ka vjedhur zemrën apo jo. Lulet mund të jenë dhuratë dhe nga një adhurues i saj, apo fansat e zjarrtë, megjithatë shpresojmë që vetë reperja ta sqarojë njëherë e mirë situatën e statusit të saj./revistawho.com
