Dy vite më parë, këngëtarja e njohur shqiptare Eneda Tarifa i dha fund martesës 18-vjeçare me partnerin e saj Erjon Zaloshnja. Ata janë prindër të një vajze të quajtur Aria, e cila mesa duket është bërë dhe motivi që ata të shihen më shpesh. Sipas fotove të publikuara nga revista “Bordo.al” duket se ish-partnerët shkojnë shumë mirë dhe nuk kanë mëri apo hatërmbajtje me njëri-tjetrin. Në foto ata shfaqen duke shoqëruar vajzën në ditën e parë të shkollës. Me siguri ky ka qenë një moment mjaft i vecantë për të dy, duke qenë se vogëlushja e tyre nisi një kapitull të ri në jetën e saj.
