Eneda Tarifa: Mos fantazoni për Robbie Williams, nuk ka kohë të merret me ne

Në media qarkulloi lajmi se këngën e Eneda Tarifës në ‘Eurovizion’ po e punonte Robbie williams. Këtë lajm e ka përgënjeshtruar vetë këngëtarja duke thënë se ai është shumë i zënë për t’u marrë me këngën tonë. Ja çfarë shkruan ajo: “Do të më pëlqente të ishte e vërtetë…. Por të mos fantazojmë kaq shumë, të rrimë me këmbë në tokë. Robbie ka shumë punë të tjera në duar, nuk mund të merret edhe me këngën shqiptare në Eurovizion. Kur kerkesat e tij janë shumë më lart se Eurovizioni. Me këngën po merret producenti i tij Jerry Meehan i cili thjesht e ka vënë në djeni si mik për produktin shqiptar që ka në dorë. Do të ishte ëndërr edhe që ne ta takonim Robbie-n gjithesesi.”