‘Top Talent’ është një nga emisionet që u shfaq për herë të parë sezonin e kaluar në televizionin e ‘Top Channel’.
Ky format gjykonte dhe vlerësonte të rinjtë të cilët kishin një ëndërr të vetme, televizionin. Juria që gjykonte vazhdimësinë e konkurrentëve përbëhej nga 5 anëtarë që ishin: Bieta Sulo, Edi Manushi, Marin Mema, Beti Njuma dhe Kelvi Kadilli.
Ndonëse nuk dihet nëse do të ketë ndryshime në jurinë e programit, pak kohë më parë u bë e ditur se drejtimi i programit këtë vit, i është besuar këngëtares Eneda Tarifa.
Me anë të një postimi në ‘Instagram’, ajo ka treguar se puna për këtë format ka nisur.
“Top Talent, filluam punën, shihemi në audicione. Aplikimet u mbyllën, e dua punën që bej”, ka shkruar Eneda ngjitur me fotot e skaletave.
Nuk dihet ende se cila është data kur emisioni do të shfaqet në ekran, megjithatë mbetet për t’u zbuluar në ditët në vijim./revistawho.com
