Eneda Tarifa përgënjeshtron thashethemet, dedikim me dashuri për Bora Kokëdhimën

Gjatë ditës së sotme u përfol raporti midis përfaqësueses së Shqipërisë në Eurovizion Eneda Tarifa dhe stilistes që u kujdes për të atje Bora Kokëdhima, e bija e ish-deputetit të PS-së Koço Kokëdhima. Gjithçka nisi pas deklaratave të gazetarit kosovar Milaim Zeka, sipas të cilit stilistja e ka fyer këngëtaren në dhomën e grimit dhe ka dashur t’i merrte fustanin. Duket se këto kanë qenë vetëm thashetheme. Të paktën këtë thotë dedikimi i Enedës për Borën, e cila sot ka ditëlindjen. Në fjalët e artistes lexohet shumë dashuri dhe aspak hatërmbetje. “Borushiiiii….. Edhe 100 e dashur, të falenderojmë shumë për punën që ke bërë në Eurosong! Suksese në sfilatën tënde personale, se këto sponsorizimet kombëtare i mbaruam bashke. Live you girl!”, ka shkruar Tarifa.