Kriza energjitike ka prekur shumë prej vendeve evropiane, duke i detyruar të mendojnë plane rezervë për të kursyer energjinë. Natyrisht që këto pasoja të krizës energjitike prekin edhe vendin tonë. Prej kohësh qarkullon lajmi se në Shqipëri pas orës 22.00 do të ndërpritet energjia elektrike. Sai vërtetë është ky lajm. Sipas minstres së Energjisë dhe Infrastrukturës Belinda Balluku, aspak i vërtetë.
Gjatë një konference për mediat, ditën e sotme ministrja Balluku sqaroi qytetarët në lidhje me planet dhe vendimet e reja që priten të ndërmerren. Ajo e mohoi lajmin se do të ndërpritet energjia pas orës 22.00, teksa shtoi se kjo do të ndodhë vetëm për ndriçimin publik.
“Pas orës 22:00 kërkohet ndërprerja e ndriçimit publik. Gjermania e ka aplikuar këtë dhe do të thoja që aplikimi i ndriçimit publik, i njësive tregtare dhe gjithçkaje tjetër ndodh nga ora 16:00 deri në orën 22:00. Vetëm ai interval lejohet që të ketë drita të ndezura, por po flasim gjithmonë për ambientet publike. Pas atij momenti fiken dritat deri në ditë tjetër, në orën 16:00. E ka nisur Gjermania, po e aplikojnë edhe shtete të tjera. Është pjesë e paketës së kursimit të energjisë. Ne nesër së bashku me kryeministrin do të bëjmë prezantimin e paketës për energjinë për sa i përket edhe fashës 800 kw/h që do të fillojë aplikimi nga 1 tetori, edhe disa masa të tjera drastike që ne do duhet të ndërmarrim në vazhdim.
Disa janë marrë si praktikat më të mira nga shtetet e tjera europiane, disa janë përshtatur me kërkesën e vendit tone”, tha ajo.
