Këngëtarja e njohur shqiptare Eni Koçi e cila prej dy vitesh vazhdon studimet për mjekësi në Londër, ka rrëfyer për emisionin “Thumb” projektet më të reja muzikore, statusin se nëse është në një lidhje apo jo, pyetje kjo që mundon shumë meshkuj shqiptar të cilët janë adhurues të Enit.
Ajo ka treguar se shumë shpejt do të sjellë këngë të reja, por është edhe në mbyllje të albumit të saj të dytë. Eni ka treguar se këtë verë do të sjellë edhe bashkëpunime me këngëtar të njohur shqiptar.
Bukuroshja bionde është shprehur me shaka se po mendon të “hedhë” në gjyq motrën e saj, pasi kur Eni ishte më e vogël, i shkruante tekstet e këngëve të Gretës, por kjo e fundit nuk e deklaronte publikisht se teksti ishte shkruar nga motra e saj.
Eni është shprehur se Greta e bënte këtë gjë për shkak të moshës së vogël të Enit, por që tani sigurisht me humor, Eni ka deklaruar se do të mendohet dy herë përpara se t’i bëjë ndonjë tekst tjetër motrës së saj.
Ajo ka treguar se frymëzimin për t’i shkruar tekstin e këngës së Gretës “Koha s’ndal” e ka marrë pikërisht nga një telenovelë që ajo shikonte kur ishte më e vogël.
E pyetur se nëse do është në një lidhje për momentin, Eni ka deklaruar se është single, dhe se është kryesisht e fokusuar tek karriera./Class
