Eni Vasili është një nga moderatoret më të ndjekura në ekranin shqiptar. Sezonin e fundit ajo u shfaq në ‘Top Channel’ me emisionin e saj të quajtur ‘Open’. Së fundmi ajo ka qenë e ftuar në programin ‘E diell’, ku ka rrëfyer disa detaje rreth jetës së saj private, por dhe marrëdhënies me koleget e saj.
“Kur do e veshësh fustanin e bardhë?”, ishte pyetja që ju drejtua nga Edi Manushi në një pjesë të emisionit.
Eni vijoi me përgjigjen e saj duke thënë: “Kemi zgjedhjet tani, bëjmë zgjedhjet njëherë, flasim pak më vonë”, duke lënë të kuptohej se ky nuk ishte një plan i afërt i moderatores. Vasili pohoi se për sa i përket marrëdhënies në çift, kanë zgjedhur ta respektojnë mjaftueshëm hapësirën e njëri-tjetrit.
Më pas gazetari Ervin Kurti, e pyeti për marrëdhënien e saj me koleget në punë, Ilva Taren dhe Vjollca Vokshin. “Me Vjollcën nuk mund të kem marrëdhënie, as nuk e di ku është. Me Ilva Taren nuk kam shumë marrëdhënie të them të drejtën, nuk frekuentohemi shumë, por kjo për shkak të jetës dhe ritmit të saj”- u përgjigj moderatorja.
Eni tregoi dhe detaje të tjera nga jeta e saj, duke thyer kështu heshtjen pas kaq kohësh./revistawho.com
