Pasionin për të fotografuar, i riu nga Maqedonia, Enis Tollumi e ka zbuluar që prej kohës kur ka qenë fëmijë teksa në dorë kishte vetëm një aparat telefoni me kamera, me të cilin fotografonte pamje të ndryshme të natyrës. Përveç kësaj, Enisi ishte gjithmonë dora ku do besonin moshatarët e tij kur duhej të shkrepnin një fotografi të bukur, sepse kishte gjithmonë shumë ide.
Setet e para ai i ka realizuar në vendin ku jeton, Maqedoni, me disa mikesha të tij, ndërsa puna sistematike e solli më pas në Tiranë për të realizuar një ‘shooting’ të mirëfilltë për kompaninë e madhe ‘Geraldina Sposa’.
Ndër figurat më të dashura të ‘showbiz-it’ shqiptar, Enisi tregon se mezi ka pritur të fotografojë bukuroshen Adrola Dushi. Ai ka punuar me vajzat e tjera të njohura si Oriola Marashi dhe Rike Roçi, megjithatë shton se ka shumë dëshirë që të fotografojë Luana Vjollcën, Marina Vjollcën dhe Angela Martinin.
Gjatë orëve të punës Tollumi mund të ndihet në stres, por kjo nuk e pengon të realizojë një punë të mirë, pasi tashmë është mësuar me këtë rutinë.
Me siguri emri i tij do të dëgjohet shpejt në shumë projekte të suksesshme , pasi puna sistematike, vullneti dhe dëshira e madhe për të “kapur” çdo gjë të bukur dhe që përcjell emocion, do të sjellë frytet e veta./revistawho.com
