Enkel Demi zbulon pse zgjodhi pseudonimin ‘Tom Kuka’ për librat e tij

Enkel Demi, moderator shumë i njohur, por edhe shkrimtar ka qenë i ftuari i radhës në emisionin e pasdites ‘Rudina’. Gjatë bisedës rreth librave të tij ai ka shpjeguar pse ka zgjedhur pseudonimin ‘Tom Kuka’ për dy botimet. “Zgjodha emrin Tom Kuka sepse e kisha personazh në mendje. Edhe nga ana e muzikalitetit më qëndronte. Për mua nuk kishte rëndësi të identifikohesha”,- u shpreh ai. Enkel Demi e ka zbuluar pak ditë më parë se është ai autori i ‘Hide mbi kalldrëm’ dhe ‘Gurët e vetmisë’, tituj që kanë rezultuar një sukses, por ka zgjedhur të përdorë një pseudonim. Edhe njëherë moderatori theksoi se për të kishte rëndësi mendimi për librin dhe nuk donte që lexuesi të ndikohej nga imazhi që kishte krijuar ndër vite, si një person i medias. Ai ka thënë se në vazhdimësi do të ruajë po të njëjtin emër pë librat e tij./revistawho.com