Një nga librat më të përfolur të gazetarit Blendi Fevziu, tashmë do të lexohet dhe diskutohet edhe përtej kufijve. “Enver Hoxha”, e para biografi e bazuar në dokumentet e arkivit personal të diktatorit dhe në rrëfimet e atyre që e njohën, nga muaji i ardhshëm do të botohet në Britaninë e Madhe. Lajmi e ka dhënë vetë gazetari-autor përmes njoftimit në rrjetet sociale. “’Enver Hoxha’ që nga janari me libraritë e Britanisë së Madhe dhe më pas për të gjithë në gjuhen angleze! I.B.Tauris, shtëpia e njohur londineze ka postuar këto ditë njoftimin për botimin e librit!”, ka njoftuar drejtuesi i Opinion.
