Një fans i Billie Eilish ka nxjerrë në shitje ajrin e mbledhur nga një prej koncerteve të saj për 15.000$. Po, e lexuat mirë! Shitësi anonim e ka nxjerrë në shitje në Carousell, një sajt blerjesh dhe shitjesh në Singapor. Sipas tij ajri brenda qeses plastike është “shumë i rrallë”. “Unë qëndrova në pjesën e përparme dhe arrita të fus ajrin e saj në qesen plastike kur këndoi gjatë koncertit. Për ata që e humbën koncertin, mund ta blini këtë! Ajër shumë i rrallë”, thuhet në përshkrim.
