Ende pa një njoftim zyrtar nga RTSH, në rrjetet sociale dhe në portale ka nisur ethet e zakonshme të “parashikimeve” për Festivalin e Këngës 2025 — dhe këtë herë, një emër i madh ka ndezur gjithë interesin: Era Istrefi.
Sipas raportimeve, këngëtarja me famë ndërkombëtare, e njohur për hitet e saj me miliona klikime, “është në kontakt me organizatorët e festivalit”. Kjo ka mjaftuar që fansat të mendojnë se Era mund të jetë pjesë e garës që përcakton përfaqësuesin e Shqipërisë në Eurovizion.
Nëse thashethemet rezultojnë të vërteta, ky do të ishte një rikthim i bujshëm për Erën, e cila prej vitesh ka ndërtuar karrierë ndërkombëtare dhe është parë rrallë në evente shqiptare.
Tani, mbetet vetëm pyetja: a do ta shohim Erën në skenën e RTSH-së – dhe ndoshta në Eurovizion 2026?
