Era po i kapërcen shkallët dy e nga dy në karrierën e saj dhe ajo çka mendohej një performancë e vogël private u shndërrua në një koncert madhështor. Këngëtarja ka performuar mbrëmjen e kaluar për një audiencë të kompanisë gjigante Sony Records që ka bërë të famshëm yjë si Beyonce, Jay-Z, Rihanna, Drake, Lady Gaga, Michael Jackson etj. Performanca u zhvillua në tarracën e godinës së Sony Music në New York, por ajo çfarë nuk pritej ishte vëmendja e madhe që Era tërhoqi. Rreth 600 njerëz u mblodhën për të parë këngëtaren e “BonBon” ndërkohë që qindra të tjerë prisnin në radhë për të hyrë në godinë.
