Era Rusi dhe Ylli Baka kanë realizuar bashkëpunimin e dytë mes tyre, por këtë herë për një kauzë mjaft të rëndësishme. Dy artistët janë bërë bashkë për t’ju dedikuar një këngë gjithë shqiptarëve që u prekën nga tërmeti i fortë që goditi vendin. Kënga “Në emër të shpresës” ka një mesazh shumë të fortë, që Era dhe Ylli e kanë përcjellë në çdo strofë të saj. Por përveç mesazhit që përcjellë, kjo këngë do të shërbejë për t’i ardhur në ndihmë një fëmije të prekur nga tërmeti. Era ka treguar se të ardhurat që do të mblidhen nga klikimet e këngës dhe nga koncertet me Ylli Bakën do të shkojnë për mirëqenien e një fëmijë të mbijetuar, që ka nevojë për arsimim. “Ne nuk mund të parandalojmë katastrofat e natyrës, por mund të bëjmë secili diçka për të minimizuar dëmet…dhe të gjithë bashkë mundemi të bëjmë ndryshime të mëdha. Ky bashkëpunim erdhi pas tërmetit plot pasoja të
26 nëntorit 2019. Të ardhurat nga klikimet dhe të disa koncerteve në bashkëpunim me Ylli Bakën do t’i shërbejnë një kauze të rëndësishme: mirëqënien e një fëmije të mbijetuar, i cili ka nevojë për arsim, si mënyra e vetme ndaj një jetese më të sigurtë”, ka shkruar Era përkrah një postimi të këngës.
https://www.instagram.com/p/B5zZPnBF4zq/?igshid=16lwp0af5lfps
Gjatë këtyre ditëve të vështira Era Rusi ju ka qëndruar pranë të prekurve nga tërmeti, qoftë edhe përmes njoftimeve të rëndësishme në rrjete sociale. /revistawho.com
