E ftuar në emisionin “Pasdite në Top Channel”, këngëtarja Era Rusi ka folur për jetën e saj private. Ajo njihet si një nga këngëtaret më hermetike lidhur me familjen dhe marrëdhënien e saj me meshkujt. Pavarësisht se jeta e artistëve duket e adhurueshme ne sytë e publikut, Era ka treguar gjatë emisionit se është shumë e vështirë të menaxhosh jetën private dhe artistike. Për shkak të angazhimeve të shumta dhe aktiviteteve artistike të ngjeshura, Era pohon se në fund të ditës mbetet vetëm. “Ndodh që të ketë ‘ftesa’ dhe ‘oferta’ nga njerëz të ndryshëm, por si natyrë komplekse, pothuaj gjithmonë i refuzoj pa e pasur fare në konsideratë studimin. I refuzoj që me herën e parë. Të jem e sinqertë, e bëj pa vetëdije…”. “Mua më ka ndodhur që të gjithë princat që kam puthur, më janë kthyer në bretkosa…” ka mbyllur rrëfimin për jetën e saj private, shkruan “Syri.net”. Era Rusi së fundmi ishte pjesëmarrëse edhe në festivalin “Kënga Magjike” ku fitoi çmimin “Kënga Stil”.
