Era Rusi ka publikuar një videoklip të ri dhe me siguri shumë nga ju do e pëlqejnë. Pas suksesit me ‘Telat e Zemrës’, që u publikua një vit më parë dhe disa këngëve të tjera të publikuara pak muaj më herët, këngëtarja shqiptare ka sjellë një tjetër projekt ritmik, i cili pritet të kthehet në hit.
‘Le t’i dalë flaka’ quhet kënga në të cilën Era është shfaqur me një ‘look’ veror, të ëmbël dhe shumë tërheqës. Rusi ka zgjedhur ta xhirojë këtë klip pranë detit, duke sjellë më pranë teleshikuesve verën dhe temperaturat e larta të saj.
Kjo këngë me siguri do të zërë vend në të gjitha festat familjare dhe eventet e ngjashme që do të keni gjatë kësaj vere. Kujtojmë se Era Rusi ka qenë shumë aktive në muzikë prej kohësh. Ajo renditet mes këngëtareve më të suksesshme të tregut muzikor shqiptar dhe është vazhdimisht e ftuar në koncerte apo në festa të ndryshme./revistawho.com
