Era Rusi ishte e ftuara speciale për përmbylljen e emisionit “Pushime On Top” për këtë vit. Këngëtarja ka treguar shumëçka për jetën, karrierën e saj dhe ka folur hapur për çështjet e zemrës. Era ka rrëfyer se kohët e fundit po bën më shumë muzikë popullore, sepse ky ka qenë një kompromis që e ka bërë me veten, duke qenë se njerëzit nuk e kanë pëlqyer atë që ajo donte të bënte në realitet. Gjatë bisedës Era ka zbuluar se vazhdon të jetë ‘single’ dhe me shaka tha se këngët e dasmave i përdor si ogur për veten, por nuk kanë shërbyer ende për diçka. Këngëtarja nuk nguroi të shprehte publikisht dëshirën për një familje të madhe, pavarësisht se ende nuk e ka gjetur njeriun e zemrës. “E dua jetën familjare. Dua shumë fëmijë, por nuk më dalin llogaritë kur do i bëj”, tha Era duke qeshur. Ajo tregoi se për shkak të angazhimeve muzikore e vuan shumë faktin që nuk mundet të jetë pranë familjes së saj në ngjarje të rëndësishme dhe se ka 12 vite që feston Vitin e Ri larg tyre. Së fundmi Era Rusi ka qenë mjaft aktive në muzikë dhe prandaj pothuajse çdo ditë është e zënë duke kënduar në koncerte apo dasma. /revistawho.com
