Pas 17 vjetësh martesë dhe 3 fëmijë së bashku, Francssco Totti dhe Ilary Blasi po shkojnë drejt divorcit. Lajmin e ka konfrimuar çifti një ditë më parë. Sipas medieve italiane gjithçka ka ndodhur sepse Totti ka nisur një lidhje të re me një femër tjetër para disa muajsh. Ajo quhet Noemi Bocchi dhe është 34 vjeçe. Sipas të njëjtave burime, Francesco dhe e dashura e tij e re udhëtuan të ndarë në avionë të ndryshëm për finalen e “Conference League” në Tiranë ku u treguan të kujdesshëm për të mos u pikasur nga paparacët. Edhe në hotelin ku u akomodua Totti, ata prenotuan dhoma të ndara, por shumë pranë njëra-tjetrës.
Vetë Totti ka bërë një deklaratë të shkurtër ku thekson se bëri gjithçka për ta kaluar krizën por ndarja ishte e paevitueshme. Noemi ka studiuar për Ekonomi Biznesi dhe është nënë e dy fëmijëve nga martesa e saj me Mario Caucci-n. Lidhja e Bocchi-t me Totti-n dyshohet se ka nisur para 8 muajsh pasi janë parë së bashku në rrugët e Monte Carlo-s dhe më pas në stadium shumë pranë njëri-tjetrit.
