Mund të duket pak e çuditshme kur e lexoni si fillim, por na besoni është zgjedhja e duhur. Që në kohët e lashta ka qenë sekreti i bukurisë i femrave të asaj kohe dhe për këtë arsye ju kemi sjellë një listë të shkurtër si të përdorni vajin e ullirit në jetën e përditshme.
– Pastrues
Në mënyrë që poret tuaja të marrin frymë duhet gjithmonë në mbrëmje të pastroni fytyrën nga tualeti i rëndë. Merrni një tampon, hidhni pak vaj ulliri mbi të dhe do shihni që është më e lehtë se kurrë.
– Hidratues për lëkurën
Vaji i ullirit e bën lëkurën më të yndyrshme dhe të shndërritshme. Gjithashtu do bëj mrekullinë e saj pa bllokuar poret.
– Tonifikues për flokët
Nëse keni flokë të dëmtuar, vaji i ullirit është heroi juaj. Pas dushit merrni një lugë vaj ulliri të ngrohtë dhe fërkoni majat, e më pas shpëlajini. Do të shihni që floku do marri një shkëlqim dhe do të jetë më i ushqyer.
– Heqjen e qimeve
Në këtë rast kjo ndihmon edhe meshkujt. Vaji do ndihmojë që brisku të rrëshkasë më mirë dhe të mos ketë irritime.
– Qetësues
Vaji i ullirit qetëson djegiet, kruarjet apo acarimin e lëkurës. Gjithashtu përdoret për të porsalindurit kundër dermatitëve të panolinës.
– Buzë të thara dhe të rrjepura
Sidomos gjatë periudhës së dimrit, ky është një problem për të gjithë. Vaji i ullirit do t’ju vijë shumë në ndihmë në këtë, mjafton të përzjeni dyll bletësh të shkrirë me vajin e ullirit dhe ta përdorni si zbutës.
– Trajtim për thonjtë
Vendosni duart në një tas me ujë të ngrohtë dhe disa lugë vaj ulliri. Do ju ndihmojë të hidratoni kutikulat dhe të bëni një manikyr të mirë. /revistawho.com
