Ditën e sotme vajza e Erion Isait, Ajër, feston 3-vjetorin e lindjes dhe në këtë datë të shënuar për familjen e tij nuk mund të mungonte një mesazh i veçantë urimi. Isai ka publikuar në ‘Instagram’ një nga videot më të ëmbla të vajzës së tij, e cila dëgjohet teksa i thotë të atit “se unë të kam jetë”. Përkrah videos Erioni ka shkruar disa nga fjalët më të ndjera për Ajrin, që vetëm prindërit mund t’i kuptojnë më së miri. “Ajër ndryshoi gjithçka, forcoi shumë çka. I dha kuptim anës më të thellë shpirtërore. Është kodi midis meje dhe Zotit… ndjesia e bekimit! Është përbetimi i dashurisë. Është bërthama e kristaltë e familjes. Gëzuar datëlindjen Ajër!”, ka shkruar kryetari i bashkisë së Kolonjës në urimin e tij.
https://www.instagram.com/p/B1KSN2mgd8Q/
Ajër është vajza e vetme e Erion Isait dhe ajo është fryt i dashurisë së tij me bashkëshorten, Ajlin. Kujtojmë se pas kandidimit për kryetar bashkie, Erioni u largua nga Tirana për të jetuar në Kolonjë së bashku me familjen e tij. /revistawho.com
