Përpara pak ditësh, aktori i njohur, Erion Isai u emërua zyrtarisht si drejtori i ‘Teatrit të Kukullave’. Ai ka pasur një karrierë mjaft të suksesshme në spektatklin e humorit ‘Portokalli’ dhe si aktor e regjisor në teatër. Ky post i ri i aktorit, normalisht që e ka lumturuar dhe bërë krenare familjen e tij. Dhe pikërisht dhuratën e parë si drejtor ai e ka marrë nga bashkëshortja dhe vogëlushja, Ajër.
Dy femrat më të rëndësishme në jetën e tij, i kanë bërë si dhuratë një orë në brendësi të së cilës lexohej: “Jeta është më e mirë me një drejtor teatri”. Duket se kjo dhuratë kaq e veçantë i ka pëlqyer dhe e ka emocionuar shumë Erionin, sepse fotografinë e shoqëroi me mbishkrimin: “Surpriza më e bukur! I dua vajzat e mia”. /revistawho.com
