Kryetari i bashkisë së Tiransë, Erion Veliaj dhe bashkëshortja e tij, Ajola Xoxa u bënë prindër për herë të parë në tetor të vitit që lamë pas. Në jetë erdhi djali i tyre i parë, të cilin e pagëzuan me emrin Kajan. Muajt e parë ata zgjodhën që vogëlushin të mos e ekspozonin shumë në rrjetet sociale, por atmosferës së festave duket se nuk i rezistuan dot. Ata bënë publike një pjesë të fytyrës së tij duke pozuar tek pema e zbukuruar e fundvitit.
Teksa atmosfera e festave vazhdon në rrugët e kryeqytetit, Erion Veliaj nuk ka humbur mundësinë për të shfrytëzuar ditët e fundit për të bërë shëtitje me të birin . Fotografi i bashkisë, Gent Onuzi ka publikuar në ‘Instagramin’ e tij një foto të kryetarit të bashkisë duke bërë xhiro me karrocë me Kajanin.
Si një baba i përkushtuar Erioni, shfaqet duke përkëdhelur vogëlushin e tij./revistawho.com
