Gaz Paja dhe Ira Seferi i dhanë fund beqarisë në datën 1 qershor. Menjëherë pasi thanë ‘Po’ në tarracën e bashkisë, Erion Veliaj bëri një postim në ‘Instagram’, ku i dha aktorit të humorit publikisht 3 këshilla martese. “Gazi, dëgjo vëllain, 3 këshilla:
1. Fjalët kyçe në një martesë afatgjate janë katër: Ke të drejtë, faji im!
2. Asnjëherë mos qesh me zgjedhjet e gruas tënde- se ti je një prej tyre
3. Mos harro kurrë, 1 qershori nuk është festa e fëmijëve, është përvjetori yt i martesës!
Të trashëgoheni vëllai im, ju duam shumë.”, ka shkruar Erioni krahas disa fotove shkëputur nga ceremonia e dasmës. Pas këtij postimi, Gazi ia ka kthyer mikut të tij me të njëjtin postim, por duke shtuar disa këshilla nga gjyshi i tij. “Jam dakord me të 3 këshillat. Edhe gjyshi im kishte 2 këshilla për kështu rastesh.
1. Bëje gruan të besojë se ajo do komandojë për të gjitha.
2. Ajo do komandojë për të gjitha”. Postimi ka marrë shumë reagime nga kolegët dhe fansat e aktorit, të cilët e përgëzojnë për martesën, si dhe komentojnë këshillat e Erionit dhe Gazit./revistawho.com
https://www.instagram.com/p/ByN1jDoBMWj/?igshid=u55hedm8s3qf
