Rreth 7 muaj më parë kryetari i bashkisë së Tiranës, Erion Veliaj, u bë baba për herë të parë. Veliaj dhe partnerja e tij, Ajola Xoxa, u bekuan me një djalë, të cilin e pagëzuan me emrin Kajan. Gjatë këtyre muajve çifti i njohur janë treguar shumë të rezervuar për të treguar detaje për vogëlushin, apo për të publikuar foto të tij.
Megjithatë së fundmi Veliaj ka rrëfyer për të gjithë disa momente shumë speciale nga përditshmëria e tij me Kajan dhe Ajolën. Kryetari i bashkisë ishte i ftuar special në emisionin “Vizioni i Padites”, ku ka treguar se pas lindjes së djalit ka ndryshuar çdo gjë, jo vetëm oraret, por edhe këndvështrimi për jetën. Ai ka shtuar se nuk e ka problem të merret me ndërrimin e pelenave të vogëlushit apo me ushqyerjen e tij. Ndër të tjera Veliaj ka zbuluar se Kajan i ngjan Ajolës për tiparet e fytyrës, ndërsa nga karakteri atij.
“I ngjan mamës së vet dhe nëse nuk do i ngjante do thosha i ngjan se çfarë ju kushton të thoni që fëmija i ngjan gruas. Megjithatë ai ka tabiatet e mia, është shumë i lëvizur, shumë energjik, rebel. Ndërsa me tipare është i bukur si Ajola”, u shpreh Erioni. Ai ka treguar se me Ajolën nuk zihet shumë për kujdesin e Kajan, vetëm në rastet kur ai i prish orarin e gjumit apo kur e lejon të shikojë telefonin. Në fund ai tha se do të donte shumë që kur të rritet Kajan të ndjehet krenar për punën që Veliaj ka bërë në Tiranë. Kujtojmë se çifti Veliaj kanë gati 5 vite si të martuar dhe se Kajan është fryti i parë i dashurisë së tyre. /revistawho.com
