Erion Zeqiraj i “Big Brother”: Lashë televizionin për t’u bërë trajner futbolli, humba 20 kg

Moderatori televiziv Erion Zeqiraj, u bë edhe më i njohur në publik pas pjesëmarrjes në edicionin e 3-të të “Big Brother”. Pas disa eksperiencave si spiker lajmesh apo prezantues emisionesh të ndryshme, ai është larguar nga televizoni  për t’iu rikthyer pasionit të tij të parë, sportit. Siç shkruan revista “Story”, me kalimin e viteve ra në sy fakti që Erioni mori kile, duke humbur elegancën e disa viteve më parë dhe formën e mirë fizike për të cilën shquhej në “Big Brother”. “Arrita peshën 126 kilogramë dfhe kam mundur të heq deri tani 20 kilogramë, pasi peshoj aktualisht 106 kg. Por jam ende në rrugë e sipër për t’u dobësuar edhe më shumë”, ka thënë ai për “Story”. Ai sqaron më tej se është dobësuar duke bërë sport, palestër dhe duke mbajtur një regjim ushqimor. Pra duke ndryshuar stilin e tij të jetës. Sa i takon largimit nga ekrani, Zeqiraj shprehet: “Në fakt tani jam duke pushuar, pasi jam duke u marrë me shkollën. Gjithashtu po bëj edhe kursin “UEFA B për trajner futbolli, në të njëjtin kurs mne kapitenin e Kombëtares Lorik Cana, i cili po përgatitet që në të ardhmen të jetë trajner”.