Një peshëngritës që i peshon mirë suprizat e bukura që i sjell jeta, siç është dashuria për Tedin, e cila po i sjell në jetë një djalë. 28-vjeçari me emër, i mbi 40 medaljeve ndërkombëtare, Erkand Qerimaj në një rrëfim për gazetën “Panorama” tregon se pse ndihet i lumtur që po krijon familje pa i mbushur të 30-at. “Ndihem shumë mirë, kam emocione shumë dinamike dhe të bukura e mezi po pres ta përqafoj. Është djalë, emrin e kemi zgjedhur bashkë me Tedin. Ka kuptim të veçantë, mirëpo do të mbetet surprizë derisa të vijë në jetë. Ishte dëshira e të dyve që në ceremoninë tonë martesore të jetë i pranishëm edhe djali, dhe planin kështu e kemi. Të krijosh familje në moshë të re për mendimin tim është gjëja më e mirë që mund të bëjmë. Mosha ime e re është një favor për të kaluar sa më shumë kohë me familjen time, të bën më të fortë dhe të vendosur në çdo qëllim. Nuk besoj të ketë dhuratë më të bukur nga Zoti”, tha Qerimaj.
Erkand Qerimaj: Presim djalë! Më pas do të bëjmë një dasmë madhështore
