Këtë të shtunë Ermal Fejzullahu ka vendosur të surprizojë bashkëshorten e tij në mënyrën më të bukur. Këngëtari i ka blerë partneres, Arianës, një makinë “Range Rover Evoque”, e cila është prodhimi më i fundit nga firma e njohur. Këtë gjë ka treguar vetë Ariana nëpërmjet një postimi në rrjete sociale dhe me këtë rast ka falenderuar edhe Ermalin. Ajo ka pozuar përpara makinës më të re të saj dhe përkrah fotos ka shkruar: “Faleminderit zemër”.
Këto makina cilësohen si ndër më luksozet dhe çmimet variojnë sipas llojit, por kryesisht nga 30 mijë deri në afro 60 mijë dollarë. Një dhuratë të tillë nuk do e refuzonte askush, prandaj dhe Ariana duket shumë e lumtur nga surpriza e Ermalit. Kujtojmë se bashkëshortja e çiftit të njohur është në pritje të ëmbël dhe shumë shpejt ata do të bëhen prindër për herë të katërt. /revistawho.com
