‘2 gisht mjaltë’ rezultoi një sukses jo vetëm në Shqipëri, por edhe jashtë kufirit. Filmi ia ka dalë të arrijë edhe në festivalin e filmit në ‘Cannes’ dhe Ermal Mamaqi bashkë me Elvana Gjatën, kanë bërë paraqitjen e tyre në tapetin e kuq. Moderatori kishte zgjedhur një kostum të thjeshtë në ngjyrë të zezë, ndërsa këngëtarja një fustan të gjatë mbas trupit i cili ndriçonte i gjithi. Gjatë ecjes, dyshja ka ndaluar për të pozuar për fotografët, por Ermalit i ka ndodhur një incident, pasi pothuajse është rrëzuar nëpër shkallë. “Për hajër, me ndonjë çmim. Së shpejti edhe në Itali, Angli, Greqi dhe Amerikë. E bëra vetë rrëzimin për syrin e keq”, ka shkruar Ermali në postimin e tij në ‘Instagram’, duke shkaktuar të qeshura. Filmi i Ermalit dhe Elvanës ka marrë gjithashtu mbështetje nga shqiptarët e tjerë të pranishëm në festival./revistawho.com
https://www.instagram.com/p/BxpKb4NB_JW/?igshid=19xorg8m8r5ut
