Në 12 mars çifti më i dashur i ekranit shqiptar, Ermal Mamaqi dhe Amarda Toska u bënë prindër për herë të dytë duke u bekuar me një vajzë. Pas kësaj të gjithë ishin kuriozë të dinin se çfarë emrin kishin zgjedhur ata për vogëlushen.
Ditën e sotme në mediat rozë qarkulloi lajmi se Ami dhe Ermali kishin vendosur që vajzën e tyre ta quanin Sia. Megjithatë ky nuk ishte një lajm i konfirmuar, por si i ftuar në emisionin më të ri në ‘Televizionin Klan’, ‘Në kurthin e Piter Pan’ Ermali e zbuloi vetë këtë gjë. “Po e them këtu për herë të parë, vajza ime quhet Sia” ka thënë ai. Më tej Ermali ka shtuar se ky është një emër biblik dhe ka kuptimin e fitores. /revistawho.com
