“Të dashur miq, ju perqafoj. Më duket sikur ma falën jetën për së dyti. Përjetova momentet më të vështira në jetë. Jam shumë mirë. Edhe unë, edhe 2 miqtë e mi që udhëtonin me mua. Aksidenti i mbrëmshëm në Kosovë, Ferizaj ndodhi si pasojë e një rrethrrotullimi të pandriçuar dhe të paparalajmëruar. Me sa më thane, ai vend ishte rrethi i vdekjes se çdo ditë aty bëhen aksidente. Kam nje pyetje per autoritetet : Edhe sa vetë duhet të vdesin për ta rregulluar atë problem? Dhe në fund Zoti është i mirë!!! Jemi thërrime që nuk ja dimë vlerën jetës deri sa prekim vdekjen”. Këto janë fjalët e aktorit Ermal Mamaqi që kanë qetësuar mijëra fansa. Siç është raportuar edhe më herët, Mamaqi ka pësuar një aksident me makinë pas një mbrëmjeje festive në qytetin e Shkupit. I kontaktuar nga revista “WHO”, ai u shpreh se është në gjendje shumë të mirë shëndetësore. “ Jam shumë mirë. Shpëtuam! Zoti është i madh!”, tha Mamaqi.
