Ermal Mamaqi është duke xhiruar filmin e tij më të fundit me titull ‘I love Tropoja’, që pritet ta sjellë në të gjitha kinematë e Evropës në vitin 2020. Aktori ka publikuar herë pas here momente të ndryshme nga skenat e filmit, duke zbuluar dhe emrat e njohur të estradës dhe kinematografisë shqiptare, të cilët do të jenë pjesë e këtij projekti.
Pak më parë Mamaqi ka publikuar një foto krah aktorit të njohur, Julian Deda, me të cilin dihet se gëzon dhe një miqësi të hershme. “I lumtur që Jul Deda do të jetë pjesë e filmit tim. Mirë do ishte që të ishte dhe Gent Zeneli, po hajt mo, herën tjetër”, ka shkruar Ermali bashkangjitur fotos në ‘Instagram’.
Mesa duket moderatori ka dëshiruar që dhe Zeneli të ishte pjesë e këtij projekti, megjithatë kjo nuk ka ndodhur. Me siguri në të ardhmen Ermali do të sjellë të tjerë filma humoristikë dhe në një prej tyre do të shohim dhe Gentian Zenelaj./revistawho.com
