Show man-i Ermal Mamaqi ka thyer një rekord në rrjetet sociale, duke u kthyer kështu në shqiptarin e parë me 2 milionë ndjekës në “Facebook”. Mamaqi, që ishte ndër të parët që kapi shifrën 1 milion, ka festuar këtë javë një numër të ri ndjekësish. Adhuruesit e tij, janë mjaft aktivë në faqen e “Facebook”-ut ku ai i krijon një rëndësi të veçantë të qeshurës, duke postuar foto, video e statuse gazmore.
“Ju kam 1 kafe borxh të gjithë juve që më ndiqni edhe në FB dhe më keni bërë të arrij këtë shifër. Kur të më shihni më sillni faturën. Përqaputhje”, – shkroi Ermali për t’i falenderuar të gjithë fansat e tij.
