I ftuar në programin e Arian Çanit “Zonë e lirë”, Ermal Mamaqi tregoi mbrëmë të pathëna nga jeta e tij. Midis batutash ai ndau me teleshikuesit vuajtjet e fëmijërisë duke treguar se dikur ishin një familje e varfër. Sigurisht që ky rrëfim i drejtuesit të “Xing”, një nga personazhet më të dashur në Shqipëri, u pasqyrua në media. Sot kolegu i tij, aktori Bes Kallaku, ka mbledhur titujt që tregonin për vuajtjet e Mamaqit duke kërkuar “ndihmë” për të. Kallaku ka ironizuar duke shënuar se ashtu siç bën për rastet e njerëzve në nevojë, Facebook ka vendosur t’i dhurojë para Mamaqit, në sajë të pëlqimet që merr. “Vetëm nëse nuk ke zemër nuk i jep ‘like’ (pëlqim) Ermalit”, shkruan aktori i “Portokalli”.
