Ermal Mamaqi prej disa ditësh tashmë ka nisur xhirimet e filmit të tij më të ri, “I Love Tropoja” dhe nuk ka hezituar të ndajë me ndjekësit e tij disa nga momentet e prapaskenave. Ermali gjithashtu ka zbuluar se pjesë e kastit do të jetë Enca Haxhia dhe motra e saj, Skerdi Faria dhe aktorja Arjola Demiraj. Sot, nëpërmjet një fotoje që ka publikuar në ‘Instastory-n’ e tij, moderatori shqiptar ka zbuluar se pjesë e kastit do të jetë dhe aktori Irgen Çela, ndryshe i njohur me emrin e artit “Xhoda”. Por, nuk mbaron me kaq, pasi për herë të parë mund të shohim si aktor edhe këngëtarin e njohur Dashnor Diko. Fotoja e publikuar nga vetë Mamaqi duket të jetë shkëputur nga xhirimet e filmit, ku ai dhe Irgeni shfaqen në makinë, ndërsa Dashnori jashtë saj. Me siguri, “I Love Tropoja” do të mbledhë shumë emra të njohur të showbiz-it shqiptar, njësoj si filmi i parë i Ermalit “2 gisht mjaltë” dhe për këtë arsye, të gjithë po presin me padurim të mësojnë detaje të reja të filmit./revistawho.com
