Komedia ‘2 Gisht Mjaltë’ ka rrëmbyer vëmendjen e të gjithëve këto ditë, ku protagonistë janë dy personazhet e njohur, Elvana Gjata dhe Ermal Mamaqi. Dyshja vendosi qe të realizonin një film bashkë, i cili deri më tani ka rezultuar tepër i suksesshëm dhe ka bërë që sallat e kinemasë të mbushen plot.
I ftuar në emisionin e pasdites me Rudina Magjistarin, Mamaqi ka rrëfyer çmimin e gjithë kostos së filmit, i cili është xhiruar disa muaj më parë.
“Filmi kushtoi 250 mijë euro. Tani që e di si funksionojnë këto gjëra, mund ta kisha bërë dhe më lirë”, tregoi Ermali. Ai shprehu gjithashtu dhe mirënjohjen e tij për të gjithë publikun, i cili tregoi një interes të jashtëzakonshëm.
Pjesë e kastit të aktorëve ishin shumë emra të njohur të kinematografisë shqiptare si Koço Devole, Marjana Kondi, Bujar Asqeriu, Olta Daku, Natasha Sela, e shumë të tjerë./revistawho.com
