Moderatori dhe aktori i njohur i humorit, Ermal Mamaqi është duke u marrë prej disa kohësh me xhirimet e projektit të tij kinematografik më të fundit ‘I Love Tropoja’. Pak më parë ai ka zbuluar në llogarinë në ‘Instagram’ një nga momentet më të veçanta gjatë xhirimeve të filmit, ku shfaqet krah djalit të tij, Joel.
“Ditë me emocione dje. Momenti kur ndava skenën e xhirimit me djalin tim. Joel Mamaqi në filmin ‘I Love Tropoja”, ka shkruar Ermali në foton së bashku me të birin.
Nuk dihet nëse vogëlushi do të ndjekë hapat e të atit,megjithatë është e sigurt se kjo do të jetë një nga skenat më të bukura të projektit që pritet të sjellë Mamaqi shumë shpejt.
Përveç djalit, aktori ka prezantuar dhe një sërë emrash të njohur nga estrada shqiptare që do të jenë pjesë e ‘I Love Tropoja’./revistawho.com
