Mes emocioneve dhe duartrokitjeve të shumta u shoqërua mbrëmjen e djeshme koncerti i këngëtarit shqiptar, Ermal Meta. Ishte hera e parë që Ermal Meta këndonte në vendin e tij përpara një publiku aq të madh. Në këtë koncert të gjithë bashkë u mblodhën në mbështetje të këngëtarit shqiptar që tashmë ka arritur të rrëmbejë zemrat e të gjithëve në mbarë botën.
Me modestinë prej artisti dhe gjithë historinë e jetës së tij, Ermal Meta, arriti të kthehet në një frymëzim për shumë të rinj. Duket se emocionet dhe gjithë ekzaltimi i publikut shqiptar, ka arritur të depërtojë edhe tek këngëtari. Ai ka publikuar në ‘Facebook’ një foto nga ‘Sheshi Skënderbej’ i cili ishte i mbushur plot me shqiptarë dhe dashamirës të muzikës së mirë. “Toka Ime. Faleminderit, nuk kam për ta harruar”, – ka shkruar Ermali bashkangjitur fotos. /revistawho.com
