Pas fitores së ‘Sanremo 2018’ këngëtari me origjinë shqiptare Ermal Meta dhe Fabrizio Moro, menjëherë morën gjithë vëmendjen e publikut. Një javë pas kësaj dy këngëtarët ishin të ftuar në programin “C’è posta per te” në Itali. Një burrë i cili kishte kaluar luftën e gjatë me kancerin, kishte ardhur në emision për t’i bërë surprizë gruas dhe vajzës së tij. Duke qenë se vajza i pëlqen shumë Ermal Metën dhe Fabrizio Moron, burri i sëmurë u kishte kërkuar dy këngëtarëve të vinin në emision për të surprizuar vajzën.
Pasi dëgjuan të gjithë historinë, Meta-Moro u emocionuan shumë dhe fjalët e këngëtarit me origjinë shqiptare mahnitën të gjithë publikun. “Ky ishte një mësim shumë i bukur dashurie dhe jam i sigurt që do të bëhet këngë” tha Ermali. /revistawho.com
