Këngëtari me origjinë shqiptarë, Ermal Meta ka ngritur karrierën e tij në Itali dhe këtë vit do të jetë përfaqësues i shtetit fqinj në Eurovizion. Pa dyshim suksesi i tij na bën krenarë të gjithëve. Në një intervistë për ‘Vanity Fair Italia’, Ermali ka folur hapur për marrëdhënien me prindërit e tij dhe karrierën. I pyetur për babin e tij ai ka treguar edhe një herë tjetër se ka shumë vite që nuk flet me të duke lënë të kuptohet se punët mes tyre nuk janë mirë.
Ndërsa marrëdhënien me mamin e tij e përshkroi me një ngjarje që e mbante mend nga e shkuara: “Kur isha 20 vjeç më ka bërë për të qarë për 1 javë. Doja shumë të kisha një tastierë elektronike, por nuk kisha mjaftueshëm para për ta blerë. Mamit nuk ja kërkoja dot pasi punonte shumë. Një ditë kthehem në shtëpi dhe motra më thotë të shkoj në dhomë. Aty ishte tastiera. Imë më kishte marrë hua për të ma blerë. Shumë ditë nuk e preka me dorë, sepse ndihesha në faj. Doja t’ia ktheja, dhe vazhdimisht i thoja vetes ‘je treguar shumë egoist’. Pavarësisht se faktin që e pëlqeja tastierën nuk e fshihja dot”, -ka treguar këngëtari i njohur./revistawho.com
