Pas ndarjes së parakohshme nga jeta të këngëtarit Shpat Kasapi, vëmendja e publikut është zhvendosur jo vetëm te humbja e tij tragjike, por edhe te reagimet që kanë pasuar në rrjetet sociale ndaj bashkëshortes së tij, Selvijes.
Këngëtari ndërroi jetë si pasojë e një arresti kardiak, teksa ndodhej në Itali me familjen e tij. Pas kësaj ngjarjeje të rëndë, Selvija u përball me një valë komentesh kritike dhe paragjykimesh, situatë që nxiti reagimin e njerëzve më të afërt të Shpatit.
Më herët, edhe nëna e artistit kishte dalë në mbrojtje të nuses së saj, duke theksuar marrëdhënien e mirë që kishte pasur me të dhe duke kërkuar respekt për dhimbjen e familjes. Por reagimi më i fortë publik erdhi së fundmi nga halla e këngëtarit.
E ftuar në emisionin “Living Day”, Flora Kasapi foli hapur për mënyrën se si po trajtohet Selvija nga opinioni publik, duke e cilësuar këtë si një padrejtësi të madhe dhe duke dënuar gjykimet e shpejta.
“Le ta urrejmë edhe Shpatin edhe Selvijen, apo edhe le ti duam. Kjo është çështje personale. Vetëm ta kuptosh drejt, një njeri dy metra, i bukur, i adhuruar nga të gjithë, dhe për tre sekonda të ikën në kraharorin tënd. Çfarë mund të thuhet këtu? A duhet të shpjegohet ky moment? Flasim në kontekstin njerëzor. Për të dashurën e Shpatit është bërë një padrejtësi e madhe. Ku e di ti kush është ajo? Ke jetuar me atë? Jo. Nëse ai e ka zgjedhur për të dashurën e vet, dhe të jetë nëna e djalit të tij, si ka mundësi një popullatë e tërë të flasë. Zonja Gjylysere e ka parë të arsyeshme për ti mbyllur këto tema të gojave “haxhuze””.
Me këto fjalë, halla e Shpat Kasapit u bë zëri i një familjeje që kërkon më shumë empati dhe më pak gjykim në një moment dhimbjeje.
