Jennifer Lopez ka provuar në Stamboll se, ndonjëherë, hakmarrja më e ëmbël është ajo me stil. Sipas mediave turke, këngëtarja dhe aktorja 56-vjeçare u ndalua në hyrje të një dyqani luksoz Chanel pasi roja i sigurisë nuk e njohu dhe i tha se “dyqani është plot”.
Në vend që të diskutonte, Lopez u tregua e qetë. “Ok, s’ka problem,” – u përgjigj ajo, duke u larguar pa zhurmë. Por destinacioni i saj i radhës ishte një mesazh i qartë: dyqanet Celine dhe Beymen, ku qëndroi tre orë dhe shpenzoi mijëra dollarë në veshje e aksesorë luksozë.
Më vonë, kur stafi i Chanel kuptoi kë kishin refuzuar, e ftuan të kthehej. Jennifer e hodhi poshtë ftesën, duke e mbyllur kapitullin aty – me çantat e blerjeve nga markat rivale në dorë.
Episodi u përhap me shpejtësi në rrjete sociale, ku fansat u shprehën se “kjo ishte mënyra më e mirë për t’u hakmarrë”.
