Pas javësh heshtjeje rreth gjendjes së Gjestit, më në fund ka folur një person që e njeh më mirë se kushdo tjetër — DJ Gimbo, miku i tij i ngushtë dhe bashkëpunëtori i shumë projekteve muzikore.
Në një intervistë për Canapé, Gimbo ka treguar se lidhja e tyre miqësore dhe profesionale ka qenë gjithmonë e fortë. Ai rrëfeu se Gjesti ka qenë motivimi i tij kryesor për të mos u dorëzuar asnjëherë.
“Ne jemi dyshja që gjithmonë kemi besuar se mund të arrijmë më lart,” – tha ai me bindje.
Por përtej sukseseve, DJ Gimbo foli me emocion për periudhën e errët që ka përfshirë mikun e tij pas humbjes së vëllait, Eldionit — një ngjarje që tronditi gjithë rrethin e tyre.
“Për ne ka qenë një bam, Zoti i mëshiroftë ata. Ngushëllime për familjen. Falenderoj të gjithë ata që ishin pranë,” – u shpreh Gimbo, me zë të dridhur.
Sipas tij, pavarësisht dhimbjes së madhe, Gjesti po përpiqet të gjejë qetësi duke qëndruar pranë familjes.
“Momentalisht është mirë, po rri me familjen,” – tha ai, duke treguar se situata po përmirësohet me kalimin e kohës.
Në një moment më të lehtë të intervistës, Gimbo u pyet nëse do ta shihnim ndonjëherë në Big Brother VIP, dhe përgjigjja e tij ishte plot humor:
“Nuk do të ishte fair të fitoja dy herë,” – tha ai, duke qeshur.
