Aktori turk Ibrahim Çelikkol është bërë i njohur për publikun shqiptar në rolin e ‘Ferhatit’ në serialin “Dashuri bardh e zi”. Aktori gjithmonë ka dalluar për bukurinë e tij dhe duhet të themi se fanset e gjinisë femërore i ka të shumta në numër. Në një intervistë të dhënë së fundmi Ibrahim shprehet se nuk e kupton çfarë e tërheqin femrat tek ai.
“Nuk më pëlqen kur më thërrasin tërheqës, por më pëlqen që të dukem bukur. Kujdesem për veten mjaftueshëm dhe mendoj se të paturit kujdes për të qenë sa më estetik, nuk i dëmton maskilitetin askujt. Shumica e aktorëve në Turqi e kanë filluar karrierën e tyre nëpërmjet modës, kështu që nuk është aspak e pazakontë që një mashkull të ketë rutinën e tij të ‘bukurisë’. Për të patur trupin që kam tani, jam ushtruar gati 6 muaj intensivisht. Sinqerisht nuk e kam të qartë përse femrat ‘magjepsen’ pas meje, pasi vetja më duket tepër i zakontë. Por, më kanë thënë shpesh që kam sy shumë shprehës dhe ndoshta kjo sjell këtë efekt”, ka thënë Ibrahim.
Kohët e fundit përveç aktrimit 36-vjeçari është duke u marrë edhe me modeling dhe fama e tij është rritur akoma më shumë.
