Amaedus është larguar definitivisht nga RAI. Përmes një videoje, ai tregohet falënderues ndaj RAI-t duke shtuar se është koha për aventura e përvoja të reja.
Ka qenë kënaqësi për mua puna në Rai. Një falënderim i përzemërt shkon për publikun.
Falënderoj të gjithë menaxherët me të cilët kam punuar ndër vite, të cilët më kanë besuar, duke më garantuar autonomi dhe qetësi. Nuk ishte një zgjedhje e lehtë për mua, duke marrë parasysh përpjekjet që Rai ka bërë për të më mbajtur, dhe s’kam bërë kërkesë për të favorizuar të afërmit apo për të përjashtuar bashkëpunëtoret, pavarësisht çfarë ka qarkulluar në shtyp ditëve të fundit. Nuk është në natyrën time diçka e tillë.
Një falënderim i veçantë shkon për punonjësit në Rai të cilët përfaqësojnë frymën e kompanisë në mënyrën më të mirë. Gjithashtu, falënderoj kolegët dhe shumë artistë që besuan tek unë dhe u përfshinë në idetë e mia.
Programet që kam pasur mundësinë dhe nderin të prezantoj (përfshi Sanremon) i përkasin publikut, por gjithashtu përfaqësojnë një pjesë të zemrës dhe jetës sime. Hyja çdo ditë në shtëpitë e miliona njerëzve, u përpoqa ta shpërbleja dashurinë dhe vlerësimin e madh që merrja, me punë, profesionalizëm, respekt dhe liri. I dhashë gjithçka. Tani është koha për të sfida të reja profesionale dhe personale. Është koha për ëndrra të reja. Faleminderit të gjithëve! Shihemi në TV!
