Është zyrtare, gratë janë më të stresuara se burrat

Shpesh ndodh që gratë të kritikohen nga burrat për mungesën e qetësisë, por kjo duket se vjen nga një shkak madhor. Një studim nga “Physiological Society” në Mbretërinë e Bashkuar ka zbuluar se për gratë është shumë më e vështirë dhe stresuese jeta. Gratë janë shumë të zëna duke u kujdesur sa për punën e tyre dhe për familjen në të njëjtën kohë. Ato e kanë më të vështirë të gjejnë kohë për veten, sepse të gjithë fuqinë e tyre fizike dh mendore ua dedikojnë të tjerëve. Studimi doli në rezultatin se gratë fitojnë 13% më shumë stres në krahasim me burrat. Gjithashtu sistemi limbik i trurit të një gruaje, që kontrollon emocionet dhe kujtimet, është shumë aktiv, gjë që e bën më të vështirë për to të harrojnë një incident apo përvojë negative. Për të mos pasur të tilla probleme duhet të kërkoni më shumë ndihmë nga të tjerët, duke filluar që nga partneri juaj apo familjarët e tjerë. Gjithashtu duhet t’i kushtoni më shumë vëmendje kujdesit ndaj vetes, sepse në këtë mënyrë do të filloni të ndjeheni më mirë. /revistawho.com